1. |
Ayé
02:02
|
|||
|
Manman mwen sé dlo
Papan mwen sé sèl
Fanmi an mwen sé van, siklòn, lapli
Kò an mwen ja touné, viré
Jodila mwen rivé la
Pou chanté
Ayé manman o manman
Véyé mwen lè mwen ka alé
Ayé manman o manman
Gadé mwen lè mwen ka woulé
Mwen kay chanté ti lanmè an mwen
Véyé mwen
Rété èvè mwen
Mwen kay chanté ti doulè an mwen
Gadé mwen
Pa rété olwen
|
||||
2. |
Mistè lanmè la
04:01
|
|||
|
Mwen ké fè vwa an mwen vin dous pou mwen chanté yo
Mwen ké fè pawòl an mwen vin blues pou onoré yo
Mwen ké sonjé kò a yo tonbé anba dlo
Mwen ké chanté pou sa ki mò pou nou sonjé yo
Lè mwen rivé bòd lanmè la
Mwen toujou ka sonjé sa
Lè mwen kouché an sab la
Ka kouté dlo la, ka bay la vwa
Lanmè la ka palé
Mwen sizé pou kouté
Sé vag la ka chanté
Mwen anvi lévé
Pou mandé, pou kriyé
Manman dlo, manman dlo
Ès ou toufé yo
Ès ou sové yo
Toufé yo pou tchouyé doulè la
Sové yo pou kréé sirèn la
Di mwen si lanmè dous
Mwen pa anvi néyé
Mwen ké maché maten o swa, rivé an dlo la
Mwen ké vansé an béton la, travèsé gran bwa
Mwen ké sonjé bato la é vayan solda
Fanmi a manman, fanmi a papa ki kontré dlo la
Lè mwen rivé bòd lanmè la
Mwen toujou ka sonjé sa
Lè mwen kouché an sab la
Ka kouté dlo la, ka bay la vwa
Lanmè la ka palé
Mwen size pou kouté
Sé vag la ka chanté
Mwen anvi lévé
Pou mandé, pou kriyé
Manman dlo, manman dlo
Ès ou toufé yo
Ès ou sové yo
Toufé yo pou tchouyé doulè la
Sové yo pou kréé sirèn la
|
||||
3. |
Flè
03:08
|
|||
|
Mwen ké chayé flè maten o swè
Mwen ké méné flè an simityè
Mwen ké pòté flè ki tout koulè
Pou mwen pé ay penn lanmizè
Mwen ké mété jounou a tè
Mwen ké karésé pousyè
Avan mwen menm vin pousyè
Kò an mwen ké mandé dlo pou bwè
Voyé dlo, voyé dlo
Voyé dlo pou nou bwè
Voyé dlo pou nou vin flè
Ay simé koulè
Mwen ké simé flè an tout jaden
Mwen ké wouzé flè an katchimen
Mwen ké sèklé tè aka vwazen
Pou mwen pé rékòlté démen
É o pipirit chantan
Lè solèy poko vayan
Mwen ké chanté pou ban mwen kouraj
Maré ren an mwen pou ay travay
Voyé dlo, voyé dlo
Voyé dlo pou nou bwè
Voyé dlo pou nou vin flè
Ay simé koulè
O lannuit nou ka kouché
Pou nou pé révé
É lè jou ka ouvè
Sé lespwa nou ka vwè
Dansé dé bra anlè
Pou mandé niyaj ouvè
Kité lapli tonbé
Fè tòl chanté
|
||||
4. |
Anba Dlo
02:06
|
|||
|
Ola mwen ké alé
Anba dlo
Ola mwen ké rété
Anba dlo
O péyi an mwen
Anba dlo
Ola ou yé
Anba dlo
Ola mwen ké alé
Anba dlo
Ola mwen ké rété
Anba dlo
O péyi an mwen
Anba dlo
Ola ou yé
Anba dlo
Méné mwen alé
Anba dlo
O anba dlo
Anba dlo
Pé pa rété isi-a
Anba dlo
Assou la tè
Anba dlo
Méném alé
Anba dlo
|
||||
5. |
Dlo épi Sèl
03:28
|
|||
|
Mwen vlé vwè dlo épi sèl
Asou la po
Si tini on koulè myèl
Asou la po
Sav an tout kò mwen sé sèl
Jis nan mitan zo
Tout kò mwen sé sèl
Ki sòti nan dlo
Kon rivyè ki ka chèché lanmè
Mwen ka kouri pé pa rété la
Kon lawouzé anba soley la
Si mwen rété mwen ké disparèt
Fo mwen ay jwenn lanmè
Pou mwen pa kouché anba la tè
Mwen vlé vwè dlo épi sèl
Asou la po
Si tini on koulè myèl
Asou la po
Sav an tout kò mwen sé sèl
Jis nan mitan zo
Tout kò mwen sé sèl
Ki sòti nan dlo
Kon larivyè
Pitit a lanmè
Kon lawouzé
Fanmi a dlo
Pé pa rété la
Kon larivyè
Pitit a lanmè
Aprann kouri, maché, soté mé
Sé an dlo la kò an mwen vlé dansé
Yo si sé asou la tè pou rété
Mé sé an dlo la kò la vlé rété
Fo mwen ay jwenn lanmè
Pou mwen pa kouché anba la tè
Mwen vlé vwè dlo épi sèl
Asou la po
Si tini on koulè myèl
Asou la po
Sav an tout kò mwen sé sèl
Jis nan mitan zo
Tout kò mwen sé sèl
Ki sòti nan dlo
|
||||
6. |
Maché an dlo la
02:08
|
|||
|
Mwen ké maché an dlo la
Maché an dlo la
Maché an dlo la
Maché an dlo la
Maché an dlo la
Maché an dlo la
Maché an dlo la
Maché an dlo la
Pou mwen sonjé yo
Yo ki anba dlo
Maché an dlo la
Maché an dlo la
Lanmè kon simityè
Mwen ké menm chayé flè
Maché an dlo la
Maché an dlo la
Mwen ké dansé tout dansé
Yo pani tan dansé
Maché an dlo la
Maché an dlo la
Kouté son a lanmè la
Pou mwen priyé twa fwa
Maché an dlo la
Maché an dlo la
Maché vansé
Plonjé alé
Maché vansé
Sonjé
Mwen ké maché an dlo la
Maché an dlo la
Maché an dlo la
Maché an dlo la
Maché an dlo la
Maché an dlo la
Maché an dlo la
Maché an dlo la
Mwen ké tonbé an dlo la
Mwen ké dansé an dlo la
Mwen ké chanté an dlo la
Mwen ké kriyé
|
||||
7. |
Péké mò
03:45
|
|||
|
Mwen péké mò lòt bò
Mwen péké mò non
Mwen savé byen kikoté mwen lévé
Mwen savé byen ki koté mwen vwè jou
É sé la mwenka maché touléjou
Tan la ka pasé laj la ka monté
kalkilé, mwen ka kalkilé
ritouné, mwen vlé ritouné
Maré ren an mwen pou mwen ay travay
Mandé répondè fòs é kouraj
Mwen péké mò lòt bò X4
Mwen ké alé
Janbé lanmè blé
Mwen ka sonjé yo téké di moun Frans
Mwen té vlé kriyé a pa non an mwen
Mwen chanjé péyi yo palé anglé
Mwen ka bégéyé a pa lang an mwen
Mwen ja vwayajé
Alé tout koté
Pon koté pa bèl dous kon Lansbètran
Kalkilé mwen ka kalkilé manman
An vérité mwen pè mé fo mwen vin vayan
Mwen péké mò lòt bò
|
||||
8. |
Zo an nou
03:16
|
|||
|
Pa maché anlè zo an nou
Pa soté zo an nou
Pa ganmé zo an nou
Anba sab la
Nou la
Pa maché anlè zo an nou
Pa soté zo an nou
Pa ganmé zo an nou
Anba sab la
Nou la
Sé kò la tousèl ki mò
Ki kouché anba la tè
Kò la tousèl ki pèd
Konprann nou pa la ankò
Mé sav
Lèspri la gran
Lèspri la fò
Nou pa mò
Adan son a lanmè la
É chanté a lapli la
Mizik a lannuit la
Mè nati ka bay lavwa
Sav
Sé nou, nou ki la
Kouté sa
Pa kouché anlè zo an nou
Pa touné soté zo an nou
Pa viré zo an nou
Anba sab la
Nou la
Pa kouché anlè zo an nou
Pa touné zo an nou
Pa viré zo an nou
Anba sab la
Nou la
Priyé, priyé, priyé
Palé, palé, palé
Chanté, chanté
Lonnè respé pou zo nou
Pa maché anlè zo an nou
Pa maché, pa soté la
Pa soté zo an nou
Pa soté la, pa ganmé la
Pa ganmé zo an nou
Pa ganmé la, pa kouché la
Pa kouché anlè zo an nou
Pa kouché la, pa touné la
Pa touné anlè zo an nou
Pa touné la, pa viré la
Pa viré anlè zo an nou
Pa viré la pa tonbé la
Pa tonbé anlè zo an nou
Pa Tonbé la pa grigné la
Pa grigné anlè zo an nou
Pa grigné la pa babyé la
Pa babyé anlè zo an nou
Pa babyé la pa goumé la
Pa goumé anlè zo an nou
Pa goumé la pa kriyé la
Pa kriyé anlè zo an nou
|
||||
9. |
Pousyè
04:05
|
|||
|
Vitrin ka fè zyé ouvè gran pou yo
Gadé tout bèl madras tout bèl foula
Gadé bèl wòb ki nan vitrin
Tousa yo ni pou vann
Vitrin rivé fè moun rété doubout
An mitan lari dé zyé gran ouvè
Pou gadé sa ki nan vitrin
Sèl biten yo vlè tann sé
Son a papyé lajan ka fè
Son la ké touné nan pousyè
Sé yenki pousyè
Ké rété
Pousyè
Pou baléyé
Tousa mwen pé sanblé
Sé yenki pousyè
Pòch vid an lenj a moun ka fè gwo dlo
Koulé nan jé ka rann moun maléré
Ka fè jounou tonbé a tè
Débra dé zyé anlè
Pòch vid rivé fè moun sonjé Bondyé
Fè moun priyé pou lajan déviré
Pou lajan viré nan pòch yo
Sèl biten yo vlè tann sé
Son a papyé lajan ka fè
Son la ké touné nan pousyè
Sé yenki pousyè
Ké rété
Pousyè
Pou baléyé
Tousa mwen pé sanblé
Sé yenki pousyè
Madras é kolyé chou
Sé yenki pousyè
Bèl wòb é bèl foula
Sé yenki pousyè
Tousa mwen pé achté
Tousa mwen pé sanblé
Tousa mwen pé achté
Sé yenki pousyè
Sé yenki pousyè
Ké rété
Pousyè
Pou baléyé
Tousa mwen pé sanblé
Sé yenki pousyè
|
||||
10. |
Sonjé
02:38
|
|||
|
Mwen ka sonjé zòt
Mwen ka sonjé zòt
Mwen ka sonjé zòt
O fanmi, mwen ka sonjé zòt
Mwen ka sonjé zòt
Mwen ka chanté zòt
Mwen ka onoré zòt
Mwen ka viv ba zòt
Mwen ka fèmé zyé an mwen
Pou mwen sonjé byen
Bèl pawòl zòt lésé ban mwen
Sajès pou timoun an mwen
Mwen ka sonjé zòt
Mwen ka sonjé zòt
Mwen ka sonjé zòt
O fanmi, mwen ka sonjé zòt
É sa ki vini
Maché an ti chimen a lavi
Manman a Manvie
Granmanman a Léonie
Tousa ki pasé avan
Sa ki anba loséan
Tousa ki goumé
Ki fè si Jodi nou ka vansé
Mwen ka sonjé zòt
Mwen ka sonjé zòt
Mwen ka sonjé zòt
O fanmi, mwen ka sonjé zòt
Mwen pé pé oubliyé
Sé pasé nou ka pasé
É mwen la ka sonjé
Lanmou zòt lésé
Mwen paka oubliyé
Sé pasé mwen ka pasé
É sa mwen ka lésé
Sé on ti chanté
Mwen ka sonjé zòt
Mwen ka sonjé zòt
Mwen ka sonjé zòt
O fanmi, mwen ka sonjé zòt
Woy! Sa mwen ka lésé
Sé on ti chanté
|
||||
If you like Ines Khai, you may also like:
Palaviré EP 1
by EDS., Boris Reine-Adelaide
supported by 5 fans who also own “Pitit a Lanmè”
go to album
LIVE FROM GWAKANNDA
by Mano D'iShango
supported by 5 fans who also own “Pitit a Lanmè”
go to album
Moon Reflection
by Meemee Nelzy
supported by 5 fans who also own “Pitit a Lanmè”
More fantastic Afro-French soul from Meemee Nelzy!
go to album
featured on Bandcamp Radio Jun 13, 2023
go to album
Abri Cyclonique
by Polobi & the Gwo Ka Masters
An album that strikes a beautiful balance between massive hurricane and moments of quiet.
go to album
Cadence Revolution: Disques Debs International Vol. 2
by Various Artists
featured on Bandcamp Radio Feb 18, 2020
go to album
supported by 5 fans who also own “Pitit a Lanmè”
De la "Doum Doum musiK" percutante et envoutante... Et les autres textes qui sollicitent l'esprit et l'émotion... Et, bien sûr, les mots choisis et dits avec talent... Une très belle oeuvre à deux voix, à deux coeurs aux sensibilités proches. Félicitations à Alphaaz pour cette belle production.
go to album
